வீதிகளில் மேயும் மாடுகள்

திருவல்லிக்கேணி சிங்கராச்சாரி தெரு பகுதியில் ஒரு சிலர் மாடு வளர்த்து வருகின்றனர். தினமும் காலை 6 மணி முதல் அங்குள்ள கோவிலைச் சுற்றியுள்ள பகுதிகளில் மாடுகளை மேயவிடுகின்றனர்.

 அருகில் உள்ள மார்க்கெட்டுக்குள் புகுந்துவிடும் இந்த மாடுகள், அங்குள்ள காய்கறிகளை சாப்பிட முயற்சிக்கின்றன. அதை வியாபாரிகள் விரட்டிவிடுகின்றனர். அப்போது மிரண்டு ஓடிவரும் மாடுகளால், பள்ளிக்குச் செல்லும் சிறுவர், சிறுமிகள் மற்றும் இருசக்கர வாகனங்களில் செல்வோர் மிகுந்த சிரமத்துக்குள்ளாகின்றனர். சில சமயங்களில் விபத்துகள் ஏற்படுகின்றன.

 இது தொடர்பாக மாநகராட்சி மற்றும் காவல் துறை அதிகாரிகளிடம் புகார் தெரிவித்தும் நடவடிக்கை இல்லை. மாடுகளைக் கட்டுப்படுத்த சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டும்.

 எஸ். ரங்கநாதன், சென்னை.