நாடாளுமன்றத்தைவிட மேலான அமைப்பு கிடையாது: குடியரசு துணைத் தலைவா்
நாடாளுமன்றத்தைவிட மேலானதாக எந்த அமைப்பையும் அரசமைப்புச் சட்டம் கருதவில்லை என்று குடியரசு துணைத் தலைவரும் மாநிலங்களவைத் தலைவருமான ஜகதீப் தன்கா் செவ்வாய்க்கிழமை தெரிவித்தாா்.
அரசமைப்புச் சட்ட பதவி வகிப்போா் பேசும் ஒவ்வொரு வாா்த்தையும் தேச நலனை மையமாகக் கொண்டது என்றும் அவா் தெரிவித்தாா். உச்சநீதிமன்றம் மீதான தனது கருத்துகளை விமா்சித்துவரும் எதிா்க்கட்சிகளுக்கு தன்கா் இவ்வாறு பதிலடி கொடுத்துள்ளாா்.
தமிழக ஆளுநருக்கு எதிராக மாநில அரசு தொடா்ந்த வழக்கில் அண்மையில் தீா்ப்பளித்த உச்சநீதிமன்றம், மசோதாக்கள் மீது முடிவெடுக்க குடியரசுத் தலைவா் மற்றும் ஆளுநருக்கு காலக்கெடு நிா்ணயித்தது. மேலும், தமிழக அரசின் 10 மசோதாக்களுக்கு அரசமைப்புச் சட்டப் பிரிவு 142-இன்கீழ் உள்ள அதிகாரத்தைப் பயன்படுத்தி உச்சநீதிமன்றமே ஒப்புதல் வழங்கியது.
இந்தச் சூழலில், ‘குடியரசுத் தலைவருக்கு நீதிமன்றம் உத்தரவிட முடியாது’ என்றும், ‘நாடாளுமன்றத்தைவிட மேலானதாக நீதிமன்றம் செயல்படுவதாகவும்’ குடியரசு துணைத் தலைவா் ஜகதீப் தன்கா் சில தினங்களுக்கு முன் தெரிவித்தாா்.
அரசமைப்புச் சட்டத்தின் 142-ஆவது பிரிவை, ஜனநாயக சக்திகள் மீதான ‘அணு ஏவுகணையாக’ உச்சநீதிமன்றம் பிரயோகிக்க முடியாது என்றும் கடுமையாக விமா்சித்தாா். அவரது கருத்துகள் அரசமைப்புச் சட்டத்துக்கு விரோதமானது என்று எதிா்க்கட்சிகள் சாடி வருகின்றன.
இந்நிலையில், அரசமைப்புச் சட்டத்தின் 75-ஆம் ஆண்டை குறிக்கும் வகையில், தில்லி பல்கலைக்கழகத்தில் செவ்வாய்க்கிழமை நடைபெற்ற நிகழ்ச்சியில் தன்கா் பங்கேற்றாா். அப்போது, அவா் பேசியதாவது:
அரசமைப்புச் சட்ட பதவிகள் என்பது சிலா் கூறுவது போல வெறும் அலங்காரமானவை அல்ல. இப்பதிவியை வகிப்போா் பேசும் ஒவ்வொரு வாா்த்தையும் தேச நலனால் வழிநடத்தப்படுகிறது. ஜனநாயகத்தில் ஒவ்வொரு குடிமகனும் உயா்ந்தவா். அரசமைப்புச் சட்டம் அனைவருக்குமானது.
நாடாளுமன்றமே மேலானது:
அரசமைப்புச் சட்டத்தின் சாராம்சமும் மாண்பும் அடிப்படையும் முகப்புரையில் இணைக்கப்பட்டுள்ளன. அதன்படி, ஜனநாயகத்தின் ஆன்மாவாக திகழும் குடிமக்களே உச்ச அதிகாரம் கொண்டவா்கள். அவா்கள், தங்களின் விருப்பங்கள் மற்றும் எதிா்பாா்ப்புகளை பிரதிபலிக்க பிரதிநிதிகளை தோ்வு செய்கின்றனா். தோ்தல்களின் வாயிலாக தங்களின் பிரதிநிதிகளை மக்கள் பொறுப்புக் கூறவும் செய்கின்றனா். நாட்டில் நெருக்கடி நிலையை அமல்படுத்திய ஒரு பிரதமரை கடந்த 1977-இல் மக்கள் பொறுப்புக் கூற செய்தனா்.
ஜனநாயகத்தில் ‘அணுசக்தியாக’ விளங்குபவா்கள் மக்கள். இந்த சக்தி தோ்தலின்போது பிரதிபலிக்கிறது. எனவேதான், நாம் ஜனநாயக நாடாகத் திகழ்கிறோம்.
நாடாளுமன்றத்தைவிட மேலானதாக எந்த அமைப்பையும் அரசமைப்புச் சட்டம் கருதவில்லை; நாடாளுமன்றமே மேலானது.
சரியான நேரத்தில், சரியான கருத்துகள்:
நமது கருத்துகள், பண பலத்தால், ஆள் பலத்தால், அந்நிய விருப்பங்களால் கட்டுப்படுத்தப்பட வேண்டுமா என்பதை மக்கள் பகுத்தறிய வேண்டும். சரியான நபா்களிடம், சரியான நேரத்தில், சரியான கருத்துகளைத் தெரிவிக்க தயங்கினால், நம்மை நாமே பலவீனப்படுத்துவதோடு, நோ்மறையான சக்திகளையும் காயப்படுத்துவதாகிவிடும் என்றாா் தன்கா்.