சொல்லுதலின் வகைகள்

சொல்லுதல் - என்ற சொல்லுக்கு, தமிழ்மொழியில் ஏறக்குறைய 39 சிறப்புப் பொருள்கள் (வகைகள்) உள்ளன. இவை நம் தமிழ்மொழிக்கே உரிய தனிச்சிறப்பாகும்.

1. அசைத்தல் -

அசையழுத்தத்துடன் சொல்லுதல்

அசையழுத்தம்

2. அறைதல் -

அடித்து (வன்மையாய் மறுத்து)

சொல்லுதல்

3. இசைத்தல் - ஓசை வேறுபாட்டுடன் சொல்லுதல்

4. இயம்புதல் - இசைக்கருவி இயக்கிச் சொல்லுதல்

5. உரைத்தல் -

அருஞ்சொற்கு அல்லது செய்யுட்குப் பொருள் சொல்லுதல்

6. உளறுதல் - ஒன்றிருக்க ஒன்றைச் சொல்லுதல்

7. எண்ணுதல் - என்று சொல்லுதல்

8. ஓதுதல் - காதுக்குள் மெல்லச் சொல்லுதல்

9. கத்துதல் - குரலெழுப்பிச் சொல்லுதல்

10. கரைதல் - அழைத்துச் சொல்லுதல்

11. கழறுதல் - இடித்துச் சொல்லுதல்(இடித்துரைத்தல்)

12. கிளத்தல் -

இன்னதென்று குறிப்பிட்டுச்

சொல்லுதல்

13. கிளத்துதல் - குடும்ப வரலாறு சொல்லுதல்

14. குயிலுதல் குயிற்று -

குயில்போல் இனிய குரலில்

சொல்லுதல்

15. குழறுதல் - நாத்தழுதழுக்கச் சொல்லுதல்

16. கூறுதல் - கூறுபடுத்திச் சொல்லுதல்

17. சாற்றுதல் - பலர் அறியச் சொல்லுதல்

18. செப்புதல் - வினாவுக்கு விடை சொல்லுதல்

19. நவிலுதல் - நாவினால் ஒலித்துப் பயிலுதல்

20. நுதலுதல் - ஒன்றைச் சொல்லித் தொடங்குதல்

21. நுவலுதல் - நூலின் நுண் பொருள் சொல்லுதல்

22. நொடித்தல் - கதை சொல்லுதல்

23. பகர்தல் -

பண்டங்களைப் பகுத்து விலை

சொல்லுதல்

24. பறைதல் -

மறை (ரகசியம்) வெளிப்படுத்திச்

சொல்லுதல்

25. பன்னுதல் - நிறுத்தி நிறுத்திச் சொல்லுதல்

26. பனுவுதல் - செய்யுளால் புகழ்ந்து சொல்லுதல்

27. புகலுதல் - விரும்பிச் சொல்லுதல்

28. புலம்புதல் - தனக்குத்தானே சொல்லுதல்

29. பேசுதல் - ஒரு மொழியில் சொல்லுதல்

30. பொழிதல் - இடைவிடாது சொல்லுதல்

31. மாறுதல் - உரையாட்டில் மாறிச் சொல்லுதல்

32. மிழற்றுதல் - குழந்தையைப் போல் சொல்லுதல்

33. மொழிதல் -

சொற்களைத் தெளிவாக விளக்கிச் சொல்லுதல்

34. வலத்தல் -

கேட்பார் மனத்தைப் பிணிக்கச்

சொல்லுதல்

35. விடுதல் - மெள்ள வெளிப்பட்டுச் சொல்லுதல்

36. விதத்தல் - சிறப்பாக எடுத்துச் சொல்லுதல்

37. விள்ளுதல் -

வெளிவிட்டு (இடைவெளி)

சொல்லுதல்

38. விளத்துதல் - விவரித்துச் சொல்லுதல்

39. விளம்புதல் - ஓர் அறிவிப்பைச் சொல்லுதல்